१ कोटी लिंगार्चन सोहळा

तीर्थक्षेत्र फौंडेशन आयोजित  १ कोटी लिंगार्चन सोहळा व लक्ष भोजन येत्या वर्षी दि.१६ फेब्रुवारी ते २० फेब्रुवारी २०२३ संपन्न होत आहे.

कोटी लिंगार्चन हे जन्मस्थळ, काळ, परिस्थीती यांच्या निवडीचे स्वातंत्र्य आपल्याल परमेश्वराने दिलेले नाही. प्रत्येक जीव हा त्याच्या पूर्वसंचितानुसार
अनुकुल किंवा प्रतिकुल परिस्थीती अनुभवत असतो. जीवनात अनुकुलता, सहजता असेलच तर ती सदैव टिकून रहावी किंवा त्यात वृद्धि
व्हावी आणि प्रतिकुलता, विवंचना (शारीरीक, मानसिक, बौद्धिक, आर्थिक, सामाजिक) असल्यास त्या संकटातून संकट विमोचनाकरिता वेद, पुराणे उपनिषदे, इत्यादींच्या माध्यमातून धर्म शास्त्रान ऐ प्राचीन काळापासून सृष्टिच्या सुरवातीपासुन शिवोपासना" योजलेली आहे. त्यामध्ये सर्वोत्तम विधी कोहिलिंगार्चन.

शिखर शिंगणापूर माहिती

महाराष्ट्र हा संतानी, पराक्रमी पुरुषांनी आणि देवी-देवतांच्या वरदहस्तानी फुललेला संपन्न प्रदेश आहे. महाराष्ट्रातील असंख्य धार्मिक स्थळे खूप प्राचीन, स्वयंभू आणि जागृत असूनही महाराष्ट्राच्या नकाशावर अनभिज्ञ आहेत. यातीलच एक धार्मिक ठिकाण म्हणजे शिखर शिंगणापूर.
सातारा जिल्ह्यातल्या माण तालुक्यामध्ये दहिवडी गावापासून २० कि.मी. अंतरावर शिखर शिंगणापूर वसले आहे. इथे असलेल्या डोंगराला शंभू महादेवाचा डोंगर म्हणतात. या डोंगराच्या पायथ्याशी शिंगणापूर गाव आहे. हा डोंगर म्हणजे सह्याद्रीचाच एक फाटा असल्याने डोंगरावर दाट झाडी आहे. महादेवाचे मंदिर याच डोंगरावर आहे.शिखर शिंगणापूर येथून दहा मिनिटांच्या अंतरावर गुप्तलिंग हे देवस्थान आहे.

कावड यात्रा विशेष

शिखर शिंगणापूरची यात्रा डोंगराच्या पायथ्याशी असलेल्या उमाबन येथे भरली जाते. या उमाबनात प्रत्येक गावासाठी एक झाड दिले आहे. गावकरी आपापल्या झाडापाशी जमा होऊन यात्रेचा आनंद लुटतात. अशा प्रकारे झाडे नेमून देणारी हि पहिलीच यात्रा असावी. शंभू महादेवाला अभिषेक करण्यासाठी खालून कावडीत पाणी आणतात. या कावडींमध्ये सगळ्यात मोठी कावड असते ती तेल्याभुत्याची. या कावडीला दोन मोठे मोठे रांजण लावलेले असतात. ते वर घेऊन जाणं हे तसं कष्टाचं काम. आणि मग ज्याच्या अभिषेकासाठी हे पाणी न्यायचं त्यालाच मदतीला बोलावतात आणि हाकही... हक्काचं माणूस असावं तशी म्हणजे, `हे म्हादया, धाव, मला सांभाळ` अशी. असा सगळा द्राविडी प्राणायाम करत ही कावड वर नेली जाते आणि महादेवाचा अभिषेक केला जातो.